EEG held discussion with Private Manufacturers

ህዳር 7 ቀን 2014 በአምራች ዘርፍ የተሰማሩ ኩባንያዎች ከኢትዮ ኢንጂነሪንግ ግሩፕ ጋር የገበያና የቴክኖሎጂ ትስስር ለመፍጠር የሚያስችል ምክክር አካሄዱ፡፡ሰላሳ የሚጠጉ በአምራች ዘርፍ ላይ የተሰማሩ ኩባንያዎች በኢትዮ ኢንጂነሪንግ ግሩፕ ስር የሚገኙትን የብረታ ብረት ዘርፍ ኢንዱስትሪዎችን ጎብኝተዋል፡፡ጉብኝቱን ያስተባበረው የብረታ ብረት ኢንዱስትሪ ልማት ኢንስቲትዩት ነው፡፡የኢትዮጵያ ብረታ ብረት ኢንስቲቲዩት ይህን መድረክ ሲያዘጋጅ በዋናነት አላማ ያደረገው የገበያ ትስስር የመፍጠርና የሀገር ውስጥ አቅምን አሟጦ በመጠቀም የውጭ ምንዛሬን ማዳን እንዲቻል ታሳቢ በማድረግ ነው፡፡ጉብኝቱ የተካሄደው በግሩፑ ስር በሚገኙት አዲስ ማሽንና መለዋወጫ ማምረቻ ኢንዱስትሪና በአቃቂ ቤዚክ ሜታልስ ኢንዱስትሪዎች ነው፡፡የኢንዱስትሪዎቹ አመራሮች የጉብኝት ፕሮግራሙን ያዘጋጁ ሲሆን ኢንዱስትሪዎቹ ስላሉበት ደረጃ ገለጻ አድርገዋል፡፡ጎብኝዎቹ በውይይቱ ወቅት ኢንዱስትሪዎቹ ግዙፍ ማሽነሪዎችን የታጠቁ፣ለሃገር ጠቃሚ ሊሆኑ እንደሚችሉ በማንሳት በጋራ ለመስራት ያላቸውን ፍላጎት አንጻባርቀዋል፡፡ያም ሆኖ ደንበኛን ለማርካት የተጀመረው ጥረት ከዚህም በላይ አጠናክሮ በማስቀጠል ትእዛዝን በወቅቱ ለማቅረብ ጥረት መደረግ እንደሚኖርበት አንስተዋል፡፡የኢትዮ ኢንጂነሪንግ ግሩፕ ምክትል ዋና ስራ አስፈጻሚ ኢንጂነር እንዳወቅ አብቴ ይህንን ፕሮግራም ያዘጋጀውን የብረታ ብረት ኢንዱስትሪ ልማት ኢንስቲትዩትን አመሰግነዋል፡፡በቀጣይም ግሩፑ አብሮ ለመስራት ያለውን ዝግጁነት አረጋግጠዋል፡፡ኢንጂነር እንዳወቅ ግሩፑ ያተኮረባቸውን አምስት ዘርፎች ላይ ትኩረት ሰጥተው አብራርተዋል፡፡ በቀጣይ የደንበኛ አያያዝን ለማሳደግ የሚያችሉ ስራዎች እየተከናወኑ መሆኑንም በስፋት አብራርተዋል፡፡የምርት ልየታ ስራን በማጠናከር እና ምርትን በብዛትና በጥራት በማምረት እንዲሁም የአንድ መስኮት አገልግሎት አሰራርን በማዘመን የደንበኛ እርካታን ለማሳደግ እየተሰራ መሆኑንም ገልጸዋል፡፡ኢንጂነር እንዳወቅ አብቴ በሰጡት ማብራሪያ የዋጋ አሰጣጣችንን የአመራረት ዘዴን በመቀየር ለማስተካከል እየሰራን ነው ብለዋል፡፡ከዚህም ባሻገር በጉብኝቱ የተካፈሉ ኩባንያዎችም ብዙ አቅም ያላቸው በመሆናቸው የበለጠ መቀራረብን በመፍጠር በጋራ መስራት የሚቻልበት እድል ሰፊ መሆኑን ተናግረዋል፡፡የብረታ ብረት ኢንዱስትሪ ልማት ኢንስቲትዩት ምክትል ዋና ዳይሬክተርና የቴክኒክ ዘርፍ ሃላፊ አቶ ደረጀ ካሳ ሃገሪቱ መለዋወጫዎችን ከውጭ ለማስገባት ከፍተኛ መጠን ያለው የውጭ ምንዛሪ እያወጣች መሆኑን አንስተዋል፡፡የሃገር ውስጥ ትስስርን ማጠናከር ከተቻለ ግን ተመጋጋቢነትን በማሳደግ ይህንን ወጪ ማዳን ይቻላል ብለዋል፡፡በቀጣይ በኢትዮ ኢንጂነሪንግ ግሩፕና በኩባንያዎቹ መካከል ያለውን ትስስር በማጠናከር ውጤታማ ስራ ለማከናወን ምክክር ተካሂዷል፡፡

Leave a Reply

Your email address will not be published. Required fields are marked *