አዳማ የግብርና ማሽነሪ ማምረቻ ኢንዱስትሪ የተመሰረተው በ1976ዓ.ም ሲሆን፣ መጠሪያውም ናዝሬት ትራክተር መገጣጠሚያ ፋብሪካ ይባል ነበር።
በ2003ዓ.ም በብረታብረትና ኢንጂነሪንግ ኮርፖሬሽን ሲጠቃለል አዳማ የግብርና ማሽነሪ ማምረቻ ኢንዱስትሪ ተብሎ ተጠራ። በሚኒስትሮች ምክር ቤት ደንብ ቁጥር 475/2020 መሰረት በ2012ዓ.ም ኢትዮ-ኢንጂነሪንግ ግሩፕ እንደ አዲስ ሲቋቋም፣ በስሩ ከሚገኙ የማምረቻ ኢንዱስትሪዎች አንዱ ሆኖ ተቋቋመ።
አዲስ ማሽን እና መለዋወጫ ማምረቻ ኢንዱስትሪ በ1945ዓ.ም የተመሰረተ ኢንዱስትሪ ሲሆን፣ ዋናው መ/ቤት በአዲስ አበባ ሜክሲኮ አደባባይ አካባቢ ይገኛል። የብሬክ ፓድ ማምረቻ ፋብሪካው በአፋር ክልል አዋሽ አርባ ይገኛል።
ኢንዱስትሪው በብረታብረትና ኢንጂነሪንግ ኮርፖሬሽን ስር በነበረበት ወቅት “ህብረት ማኑፋክቸሪንግና ማሽን ማምረቻ ኢንዱስትሪ” ተብሎ ይጠራ ነበር። በሚኒስትሮች ምክር ቤት ደንብ ቁጥር 475/2020 መሰረት በ2012ዓ.ም ኢትዮ-ኢንጂነሪንግ ግሩፕ እንደ አዲስ ሲቋቋም መጠሪያ ስሙ “አዲስ ማሽንና መለዋወጫ ማምረቻ ኢንዱስትሪ” ተብሎ ተሰየመ እና በግሩፑ ስር ከሚገኙ የማምረቻ ኢንዱስትሪዎች አንዱ ሆኖ ተቋቋመ።
የኮንስትራክሽን ማሽነሪ ማምረቻ ኢንዱስትሪ ቀደም ሲል በቢሾፍቱ አውቶሞቲቭ ማምረቻ ኢንዱስትሪ ስር በንዑስ ኢንዱስትሪነት ሲተዳደር ቆይቶ በ2004 ዓ.ም. እራሱን በመቻል የብረታብረት ኢንጂነሪንግ ኮርፖሬሽን ውስጥ ካሉ ኢንዱስትሪዎች መካከል አንዱ በመሆን ተቋቁሟል።
ኮንስትራክሽን ማሽነሪ ማምረቻ ኢንጂነሪንግ ኢንዱስትሪ በመባል የተሰየመ ሲሆን፣ በ2007 ዓ.ም. ኮንስትራክሽንና ኢንጂነሪንግ ማሽነሪ ኢንዱስትሪ ተብሎ ተጠርቷል። በ2009 ዓ.ም. ደግሞ ኢንፍራስትራክቸር ማሽነሪ ኢንጂነሪንግ ኢንዱስትሪ ተብሎ ተሰይሟል።
በ2013 ዓ.ም. በሚኒስቴሮች ምክር ቤት ደንብ ቁጥር 475/2020 መሠረት ኢትዮ-ኢንጂነሪንግ ግሩፕ እንደ መንግስት የልማት ድርጅት ሲቋቋም የኮንስትራክሽን ማሽነሪ ማምረቻ ኢንዱስትሪ በሚል ስያሜ ተሰጠው።
ኢትዮጵያ ፕላሲቲክ ኢንዱስትሪ በ1960 ዓ.ም. በአምስት የስራ ፈጣሪዎች የተመሰረተ ሲሆን፤ በ1973 ዓ.ም. መከላከያ ሚኒስቴር የኢንዱስትሪውን 55% ድርሻ በመያዝ እያስተዳደሩ ቀሪው 45% በአምስቱ መስራቾች እየተዳደረ ቆይቷል።
በ2004 ዓ.ም. ወደ ብረታ ብረትና ኢንጂነሪንግ ኮርፖሬሽን ሲጠቃለል ስያሜው ኢትዮጵያ ፕላሲቲክ ኢንዱስትሪ በመባል ቀጥሏል፡፡ በ2013 ዓ.ም. በሚኒስቴሮች ምክር ቤት ደንብ አዋጅ ቁጥር 475/2020 መሠረት ኢትዮ-ኢንጂነሪንግ ግሩፕ እንደ መንግስት የልማት ድርጅት ሲቋቋም ኢንዱስትሪው በግሩፑ ስር እንደ አንድ ኢንዱስትሪ ተደርጓል።
ፖወር ኢኩፕመንት ማምረቻ ኢንዱስትሪ በ2002 ዓ.ም በብረታ ብረትና ኢንጂነሪንግ ኮርፖሬሽን ስር ተቋቁሞ ሲተዳደር ቆይቷል። በኋላም በሚንስቴሮች ምክር ቤት ደንብ አዋጅ ቁጥር 475/2020 መሠረት ተቋቋመው ኢትዮ-ኢንጂነሪንግ ግሩፕ የመንግስት የልማት ድርጅት ሲሆን፣ ፖወር ኢኩፕመንት ማምረቻ ኢንዱስትሪ በግሩፑ ስራ እንደ አንድ ኢንዱስትሪ ተደርጎ ተቋቋመ።
ትራንስፎርመር፣ ዋየርና ኬብል፣ ፖወር ፋክተር ኮሬክተር፣ ኮምፖክት ሰብስቴሽን፣ ሶላር ፓነል/ሶላር ላንተር፣ ሞተርና ጀነሬተር፣ ተርባይን
ፖወር ኢኩፕመንት ማምረቻ ኢንዱስትሪ በሀገራችን የኃይል ልማት ውስጥ ከፍተኛ አስተዋፅኦ ያለው ተቋም ነው።
አቃቂ ቤዚክ ሜታል ኢንዱስትሪ 1981 ዓ.ም. የመንግስት ተቋም ነው፡፡ በ2002 ዓ.ም. በብረታ ብረትና ኢንጂነሪንግ ኮርፖሬሽን ስር ሲቋቋም አቃቂ ቤዚክ ሜታል ኢንዱስትሪ ስያሜ ተሰጠው፡፡ በ2013 ዓ.ም. ኢትዮ-ኢንጂነሪንግ ግሩፕ አካባቢ በሚንስቴሮች ምክር ቤት አዋጅ ቁጥር 475/2020 መሠረት ተቋማዊ ለውጥ ተደርጎ ተቋቋመ፡፡